Италия чемпионатининг кечиктирилган ўйинида «Милан» «Комо»га қарши ўйинда очко йўқотди, аммо «россонери» бош мураббийи Массимилиано Аллегри хурсанд.

У ўз жамоаси мақсади Чемпионлар лигаси зонасида жой эгаллаш эканлигини эслатиб ўтди ва шу нуқтаи назардан дуранг яхши натижа ҳисобланади.

«Ўйин осон кечмади, биринчи тайм тенг кетаётган эди, кейин Меньяннинг хатоси содир бўлди, буни тушуниш мумкин. Жамоа реакция кўрсатиб, ҳисобни тенглаштира олгани яхши. Энди фикрлар «Парма» билан бўладиган учрашувда. Ҳамма вақт ғалаба қозониш имкони йўқ. Бизнинг мақсад — Чемпионлар лигаси зонасидаги жой», — деди Аллегри PianetaMilan.it порталига берган интервюсида.

Ҳозирда «Милан» Серия А турнир жадвалида иккинчи ўринда турибди.