«Барселона» футболчиси Пау Кубарси Испания Кубоги ярим финали доирасида «Атлетико»га қарши кечган сўнгги ўйиндаги бекор қилинган гол билан боғлиқ можароли вазият ҳақида гапирди.
Каталонияликлар биринчи бўлимни бой бериб, ўз дарвозаларидан жавобсиз тўртта тўп олиб чиқишди, бироқ иккинчи бўлим бошида Кубарсининг ҳаракатлари билан битта гол қайтаришга муваффақ бўлишди. Шунга қарамай, узоқ давом этган текширувдан сўнг, ҳакам 19 ёшли марказий ҳимоячининг голини инобатга олмасликка қарор қилди ва қолган вақт давомида ҳисоб ўзгаришсиз қолди.
«Голим нима учун бекор қилинганини ҳалигача тушунмаяпман. Ишончим комилки, деярли ўн дақиқа давом этган ўша тўхталиш иккинчи бўлим бошидаги суръатимизни тушириб юборди», – деди Кубарси «Mundo Deportivo» нашрига берган интервьюсида.
3 март куни «кўк-анорранглилар» майдонида жавоб учрашуви бўлиб ўтади.
