"Ньюкасл" бош мураббийи Эдди Хау Озарбайжоннинг "Қарабоғ" жамоаси устидан Чемпионлар лигаси плей-офф босқичи илк ўйинидаги йирик ғалаба ҳақида фикр билдирди. Улар 6:1 ҳисобида ғалаба қозонишди.
"Жамоанинг ўйини мени жуда хурсанд қилди. Бизга тез урилган гол катта ёрдам берди. Бу сўнгги вақтлардаги энг яхши ўйинларимиздан бири бўлди. Рақибга айнан шу пайтда бизга қарши ўйнаш омад келтирмади. Ўтган учрашувда ҳар бир футболчининг ҳаракатларидан мамнунман", — деди мутахассис, УЕФА матбуот хизматига таяниб.
"Ньюкасл" ва "Қарабоғ" ўртасидаги жавоб ўйини Англияда бўлиб ўтади. Ушбу қарама-қаршилик ғолиби Чемпионлар лигаси 1/8 финалига йўл олади.
