«Леванте» марказий ҳужумчиси Этта Эйонг Москванинг ЦСКА клуби таклифини рад этди. Бу ҳақда нуфузли инсайдер Фабрицио Романо хабар бермоқда.
Манбанинг маълумотига кўра, «Леванте» «армиячилар»нинг 30 миллион евролик таклифини қабул қилишга тайёр эди, бироқ 22 ёшли камерунлик футболчининг ўзи Россияга боришни истамади. Таъкидланишича, Эйонг мавсумни «Леванте»да якунлаб, сўнгра кучлироқ Европа клубига ўтишни хоҳлайди.
Испания Ла Лигасининг жорий мавсумида Эйонг 22 та ўйинда майдонга тушиб, рақиблар дарвозасини 6 бор ишғол қилди ва 3 та голли узатмани ўз ҳисобига ёздириб қўйди.
Transfermarkt портали мутахассислари ҳужумчининг нархини 20 миллион еврога баҳоламоқда.
