Италия футболи афсонаси Андреа Пирло 2010 йилда каталонияликлар сафига ўтишга жуда яқин келгани ҳақида сўзлаб берди. Ўша вақтда Пеп Гвардиола бошқарувидаги «Барселона» дунёнинг энг кучли жамоаси ҳисобланарди.
«2010 йилги Жоан Гампер кубогидан кейин Пеп Гвардиола менга Хави, Иньеста ва Бускетс билан ротация қиладиган ярим ҳимоячи бўлишимни айтганди», — деб эслайди Пирло.
Бироқ, ушбу тарихий трансфер «Милан» клуби мутасаддиларининг қатъий қаршилиги туфайли тўхтаб қолган: «Аммо трансфер «Милан» раҳбарияти сабаб амалга ошмай қолган», - деди ҳозирда мураббийлик қилаётган 46 ёшли собиқ футболчи.
