Анге Постекоглу сентябрь ойида "Ноттингем Форест"ни қабул қилган ва саккизта ўйиндан сўнг ишдан бўшатилганди. Мутахассис бу ишга бекорга рози бўлганини тан олди.
"Форест" билан боғлиқ барча вазият менинг зиммамда. Бу айнан истаклардан эҳтиёт бўлиш керак бўлган ҳолат. У ерга бориш ёмон қарор эди. Вақтни ёки вазиятни айблашдан маъно йўқ. Мен у ерга бормаслигим керак эди. Бу "Тоттенхэм"дан кейин жуда тез содир бўлди. Бу менинг хатом эди.
Йигирма йилдан бери биринчи марта ёзда ишламасдим. Мен ўзимни йўқотиб қўйгандек ҳис қилдим. Мавсумлар оралиғида одатда бошим ишда бўлади - трансферлар, мавсумолди. Бу сафар эса бўшлиқни ҳис қилдим", - деди Постекоглу The Overlap нашрига.
