«Челси» Англия Премьер-лигаси доирасида «Бёрнли»га қарши бўлиб ўтадиган уй учрашувига тайёргарлик кўрмоқда. Лондон жамоаси бош мураббийи Лиам Росеньор яққол фаворит мақоми ҳали ҳеч нарсани англатмаслигини айтиб ўтди. Росеньор ўз фикрини асослаш учун «Арсенал» қайд этган натижани мисол қилиб келтирди.

«Бизни қийин ўйин кутмоқда. «Бёрнли» «Кристал Пэлас» меҳмони бўлиб, ғалаба билан қайтди. Кеча «Вулверхэмптон»нинг ўйинини ва қайд этган натижасини кўрдингиз-ку? Шундай экан, осон бўлмайди. Биз ўз ишимизга диққат қаратишимиз керак», — деди Росеньор матбуот анжумани вақтида.

Эслатиб ўтамиз, чоршанба куни «Вулверхэмптон» ва «Арсенал» 2:2 ҳисобида дуранг ўйнашди. Жамоалар турнир жадвалида охирги ва биринчи ўринларни эгаллаб туришибди.