Ўтмишнинг машҳур парагвайлик дарвозабони Хосе Луис Чилаверт «Бенфика» аъзоси Жанлука Престианнини қўллаб-қувватлади. Эслатиб ўтамиз, Винисиус Жуниор Чемпионлар лигаси ўйини вақтида уни ирқчиликда айблаган эди.
«Мен Престианни тарафидаман. Винисиуснинг ўзи биринчи бўлиб ҳаммани ҳақорат қилишни бошлайди», — деди Чилаверт Radio Rivadavia эфирида.
Эслатиб ўтамиз, УЕФА «Бенфика» – «Реал» учрашувидан сўнг суриштирув ишларини бошлаган. Бироқ, ирқчилик негизидаги ҳақоратлар янграган бўлса ҳам, уларни исботлаш қийин кечади, чунки Престианни гапираётганда оғзини либоси (футболкаси) билан тўсиб олган.
«Реал» ва «Бенфика» ўртасидаги жавоб учрашуви 25 февраль куни бўлиб ўтади. Мадридликлар сафардаги 1:0 ҳисобидаги ғалабадан сўнг устунликка эга бўлиб туришибди.
