Франкфуртнинг «Айнтрахт» клуби 33 ёшли ярим ҳимоячиси Марио Гётце «бургутлар» билан шартномасини узайтириши мумкин. Бу ҳақда Bild нашри хабар бермоқда. Манбага кўра, аввалроқ тўхтаб қолган музокаралар март ойидан кечиктирилмаган ҳолда қайта тикланади.

«Ҳозирги вақтда барча аломатлар, ҳатто Альберт Риера бош мураббий этиб тайинланганидан кейин ҳам, шартнома узайтирилишига ишора қилмоқда. Гётце Франкфуртда қолиш истагида, бироқ 33 ёшли футболчи маошининг камайишига рози бўлишига тўғри келади», — деб ёзади нашр.

Эслатиб ўтамиз, Гётце жорий мавсумда «Айнтрахт» сафида барча мусобақаларда 24 та ўйинда майдонга тушиб, 2 та голли узатмани амалга оширди. Марионинг клуб билан амалдаги келишуви шу мавсум охиригача мўлжалланган.