Frankfurtning «Ayntraxt» klubi 33 yoshli yarim himoyachisi Mario Gyotse «burgutlar» bilan shartnomasini uzaytirishi mumkin. Bu haqda Bild nashri xabar bermoqda. Manbaga ko‘ra, avvalroq to‘xtab qolgan muzokaralar mart oyidan kechiktirilmagan holda qayta tiklanadi.

«Hozirgi vaqtda barcha alomatlar, hatto Albert Riyera bosh murabbiy etib tayinlanganidan keyin ham, shartnoma uzaytirilishiga ishora qilmoqda. Gyotse Frankfurtda qolish istagida, biroq 33 yoshli futbolchi maoshining kamayishiga rozi bo‘lishiga to‘g‘ri keladi», — deb yozadi nashr.

Eslatib o‘tamiz, Gyotse joriy mavsumda «Ayntraxt» safida barcha musobaqalarda 24 ta o‘yinda maydonga tushib, 2 ta golli uzatmani amalga oshirdi. Marioning klub bilan amaldagi kelishuvi shu mavsum oxirigacha mo‘ljallangan.