"Ювентус" ҳужумчиси Душан Влахович мавсум якунлангач, "Барселона"га кўчиб ўтмоқчи.
Сербнинг шартномаси келаси ёзда тугайди ва катта эҳтимол билан узайтирилмайди. Tuttosport хабарига кўра, 26 ёшли футболчининг ўзи фаолиятини давом эттириш вариантини аниқлаб олган - у эркин агент сифатида "Барселона"га ўтмоқчи. Каталония клуби ҳужумчи учун курашда етакчилик қилмоқда ва келишувни амалга ошириш учун дастлабки қадамларни ташламоқда.
"Барселона"да Душан Влахович июнь ойи охирида амалдаги шартномаси тугайдиган Роберт Левандовски ўрнини эгаллаши кутилмоқда.













