«Манчестер Сити» ҳимоячиси Жон Стоунз жамоадоши Марк Гехи ҳақида ўз фикрлари билан ўртоқлашди.

«У билан мулоқот қилиш жуда ёқимли. Шахсан мен Маркнинг ишга бўлган профессионал ёндашувининг катта мухлисиман. Биз биргаликда Евро-2024 финалига қадар етиб бордик ва бу биз учун яна бир ажойиб лаҳзага айланди. Еврода у билан жуда яхши жуфтлик ҳосил қилганимиздан фахрланаман. У бу ерда қанча вақт қолишидан қатъи назар, жамоамиз учун ажойиб харид бўлади», — дея Стоунзнинг сўзларини келтиради «City Report».

Эслатиб ўтамиз, Гехи қишки трансфер ойнасида «Кристал Пэлас»дан «Манчестер Сити»га ўтган эди. «Шаҳарликлар» таркибида ҳимоячи бешта ўйинда майдонга тушиб, битта гол уришга улгурди.