«Манчестер Юнайтед»нинг афсонавий собиқ ярим ҳимоячиси Пол Скоулз «Ливерпуль»нинг амалдаги сардори Виргил ван Дейкдан устун бўлган собиқ жамоадошининг исмини айтди.
Гап кўпчилик ўйлаганидек Рио Фердинанд ҳақида эмас, балки мерсисайдликлар ҳимоячисининг ҳамюрти — Яп Стам ҳақида кетмоқда.
«Стам ван Дейкдан яхшироқ эди», — дея Скоулзнинг сўзларини келтиради The Touchline.
Яп Стам 1998 йилдан 2001 йилгача «қизил иблислар» шарафини ҳимоя қилган, шундан сўнг деярли 26 миллион евро эвазига «Лацио»га сотилган эди. Кейинчалик нидерландиялик марказий ҳимоячи «Милан» ва «Аякс» клубларида тўп суришга улгурди ва 2007 йилда фаолиятини якунлади.
