"Ньюкасл" бош мураббийи Эдди Ҳау Энтони Гордоннинг марказий ҳужумчи сифатидаги ўйини ҳақида фикр билдирди.
"Энтони бу позиция учун ҳақиқатан ҳам яхши фазилатларга эга. У фаол босим ўтказади ва буни қачон ва қандай қилиш кераклигини тушунади. Унинг тўпни олиб қўйиши эвазига бир нечта голларимиз урилди ва бу тасодиф эмас, балки унинг ўйинни жуда яхши ўқиши натижасидир. Мен унга қойил қолдим", - дея Хаунинг сўзларини келтиради клуб матбуот хизмати.
Эслатиб ўтамиз, Чемпионлар лигаси плей-офф босқичининг ўтган турида "Қорабоғ"га қарши кечган ўйинда (6:1) Гордон ҳужумчи позициясида покер қайд этганди.
Гордон жорий мавсум 36 та учрашувда жами 14 та гол уришга эришди. Шунингдек, 24 ёшли футболчининг ҳисобида бешта ассист мавжуд.
