"Nyukasl" bosh murabbiyi Eddi Hau Entoni Gordonning markaziy hujumchi sifatidagi o‘yini haqida fikr bildirdi.

"Entoni bu pozisiya uchun haqiqatan ham yaxshi fazilatlarga ega. U faol bosim o‘tkazadi va buni qachon va qanday qilish kerakligini tushunadi. Uning to‘pni olib qo‘yishi evaziga bir nechta gollarimiz urildi va bu tasodif emas, balki uning o‘yinni juda yaxshi o‘qishi natijasidir. Men unga qoyil qoldim", - deya Xauning so‘zlarini keltiradi klub matbuot xizmati.

Eslatib o‘tamiz, Chempionlar ligasi pley-off bosqichining o‘tgan turida "Qorabog‘"ga qarshi kechgan o‘yinda (6:1) Gordon hujumchi pozisiyasida poker qayd etgandi.

Gordon joriy mavsum 36 ta uchrashuvda jami 14 ta gol urishga erishdi. Shuningdek, 24 yoshli futbolchining hisobida beshta assist mavjud.