Франциялик собиқ футболчи Самир Насри «Реал Мадрид» юлдузи Винисиус Жуниорнинг голларини нишонлаш услубини ҳимоя қилиб чиқди ва бу борада Жозе Моуриньони танқид остига олди.
Насрининг таъкидлашича, футболчи майдондаги босимга қарамай гол урса, уни истаганча нишонлаши мумкин:
«Винисиусни ҳуштаклар билан қарши олишади — у эса ажойиб гол уради ва уни нишонлайди. Унинг бунга тўлақонли ҳаққи бор».
Шунингдек, Насри португалиялик мураббийнинг ўтмишдаги ҳиссиётларга бой ҳаракатларини эслатиб ўтди:
«Моуриньо ғалабани майдон бўйлаб югурган ҳолда нишонлаган, кунлардан бир кун эса голни нишонлаётганда Тьерри Анри каби тиззаларида 20 метр масофага сирпанганди. Кимга ва қандай нишонлашни ўргатиш унга эмас».
