Англия Премьер-лигасида чемпионлик пойгаси янада қизғин тус олди — «Арсенал» шу ҳафтада «Вулверхэмптон» билан ўйинда (2:2) очко йўқотди. Хосеп Гвардиоладан рақобатчининг бу хатосини ўз шогирдлари билан муҳокама қилгани ёки йўқлиги ҳақида сўрашди.

«Бу ҳақда бир сония ҳам гапирганим йўқ. Фақат «Ньюкасл», «Ньюкасл» ва яна «Ньюкасл». Мен футболчиларга турнир жадвалидаги ҳолат ёки шунга ўхшаш нарсалар ҳақида гапирмадим. Бунинг менга фарқи йўқ. Олдинда ҳали 12 та ўйин бор. Агар сиз бу саволни мавсум тугашига икки ёки уч тур қолганда берсангиз, ўшанда жавобим бўлади. 12 та ўйин — бу бутун бир абадият демакдир», — деди Гвардиола матбуот анжуманида.

«Манчестер Сити» — «Ньюкасл» учрашуви 21 февраль куни Тошкент вақти билан соат 23:00 да бошланади.