Оливер Гласнер яқин орада «Кристал Пэлас»ни ёзда, амалдаги шартномаси муддати тугагач, албатта тарк этиши ҳақида гапирган эди. Энди эса Гласнер ушбу шартномани охиригача етказиб қўйишига ҳам шубҳа билдирди.
«Мавсум охиригача қоламанми? Кўрамиз. Ёзгача қолишни истайманми? Келажак нима олиб келишини кўрамиз, буни ҳеч қачон олдиндан билиб бўлмайди. Мен мавсумни якунлаб қўйишни истардим», — деди Гласнер матбуот анжуманида.
«Кристал Пэлас» Англия Премьер-лигаси турнир жадвалида 13-ўринни эгаллаб турибди. Жамоа навбатдаги ўйинини якшанба куни, 22 февраль санасида ўз майдонида «Вулверхэмптон»га қарши ўтказади.
