«Бавария» вингери Майкл Олисе жорий мавсумда ажойиб ўйин кўрсатмоқда, шу сабабли ОАВ уни тез-тез Премьер-лиганинг топ-клублари, хусусан, «Ливерпуль» билан боғламоқда. Бироқ Мюнхен клуби келаётган ёзда Олисени ҳеч қандай ҳолатда сотмоқчи эмас. Бу ҳақда The Touchline нашри хабар бермоқда.
Олисенинг ўзи учун «Бавария»нинг бундай қатъий позицияси муаммо эмас — француз футболчиси Мюнхенда бахтли ва айнан шу ерда ўз фаолиятининг чўққисига чиққанини ҳис қилмоқда.
Майкл Олисе 2024 йилнинг июль ойида «Кристал Пэлас»дан «Бавария»га ўтган эди. Ўшандан бери вингер жамоа сафида 89 та ўйин ўтказиб, 33 та гол ва 48 та голли узатмани ўз ҳисобига ёздириб қўйди.
