«Bavariya» vingeri Maykl Olise joriy mavsumda ajoyib o‘yin ko‘rsatmoqda, shu sababli OAV uni tez-tez Premyer-liganing top-klublari, xususan, «Liverpul» bilan bog‘lamoqda. Biroq Myunxen klubi kelayotgan yozda Oliseni hech qanday holatda sotmoqchi emas. Bu haqda The Touchline nashri xabar bermoqda.
Olisening o‘zi uchun «Bavariya»ning bunday qat’iy pozisiyasi muammo emas — fransuz futbolchisi Myunxenda baxtli va aynan shu yerda o‘z faoliyatining cho‘qqisiga chiqqanini his qilmoqda.
Maykl Olise 2024 yilning iyul oyida «Kristal Pelas»dan «Bavariya»ga o‘tgan edi. O‘shandan beri vinger jamoa safida 89 ta o‘yin o‘tkazib, 33 ta gol va 48 ta golli uzatmani o‘z hisobiga yozdirib qo‘ydi.
