Мадриднинг «Реал» клуби ҳужумчиси Винисиус Жуниор Чемпионлар лигасида 30 та гол ва 30 та голли узатмани амалга оширган бешинчи футболчига айланди. Плей-офф босқичининг илк учрашувида «Бенфика» дарвозасига киритилган гол (0:1) бразилиялик учун мусобақадаги 31-гол бўлди. Ушбу натижага эришиш учун вингерга 77 та ўйин кифоя қилди.
Чемпионлар лигаси тарихида бундай кўрсаткичга эришган футболчилар рўйхати қуйидагича:
| Футболчи | Голлар | Ассистлар | Ўйинлар сони |
| Криштиану Роналду | 140 | 42 | 183 |
| Лионель Месси | 129 | 40 | 163 |
| Томас Мюллер | 57 | 30 | 163 |
| Неймар | 43 | 33 | 81 |
| Винисиус Жуниор | 31 | 30 | 77 |
Винисиус фаолияти давомида икки марта Чемпионлар лигаси ғолибига айланган. У ҳар иккала совринни ҳам «Реал» таркибида қўлга киритган.
