Мадриднинг «Реал» клуби бош мураббийи Альваро Арбелоа Чемпионлар лигаси доирасидаги «Бенфика»га қарши ўйинда (0:1) Винисиус Жуниорга нисбатан ирқчилик қилган шахсларга нисбатан УЕФА қатъий чора кўриши шартлигини таъкидлади. Аввалроқ Лиссабон клуби ҳужумчиси Жанлука Престианни бразилиялик футболчини ирқий камситгани ҳақида хабарлар тарқалган эди.
«Энди ҳаммаси УЕФАнинг қўлида. Ирқчиликка қарши кураш шунчаки қуруқ гап эмаслигини кўрсатадиган вақт келди. Улар кўп йиллардан бери бу борада яхши ишлашмоқда.
УЕФА қандай муносабат билдириши кераклигини ҳал қилиш менинг ваколатимга кирмайди. Аммо санкциялар қўлланилиши шарт деб ҳисоблайман. Бизда ушбу иллатга чек қўйиш учун бурилиш нуқтасини ясаш имконияти бор. Футбол қанчалик эҳтиросларга бой ўйин эканлигини биламиз, лекин содир бўлган воқеани асло қабул қилиб бўлмайди», — дея Арбелоанинг сўзларини келтиради AS нашри.
