«Арсенал» клубининг собиқ вингери Тео Уолкотт Мадриднинг «Реал» жамоаси Англия Премьер-лигасида иштирок этган тақдирда, турнир жадвалининг ўрта поғоналаридан жой олиши мумкинлиги ҳақидаги фикрини билдирди.
«Менинг фикримча, улар «Кристал Пэлас», «Лидс» каби жамоалар майдонида ёки «Сент-Жеймс Парк» стадионидаги сафар ўйинларида жиддий қийинчиликларга дуч келган бўлардилар. Шунингдек, об-ҳаво шароити ҳам ўз таъсирини кўрсатмай қолмасди.
Саккизинчи ўрин. Бу фикр «Реал»нинг кўплаб мухлисларига манзур келмаслиги мумкин, бироқ АПЛда тактик ва жисмоний жиҳатдан яхшироқ тайёргарликка эга жамоалар бор деб ҳисоблайман», — дея табассум билан таъкидлади собиқ футболчи.
