«Барселона» клуби ҳимоячиси Жерар Мартин жамоанинг сўнгги учрашувларидаги ҳакамлик фаолияти ҳақида ўз мулоҳазаларини билдирди.

Сўнгги вақтларда «кўк-анорранглилар»нинг кўплаб вакиллари, жумладан, бош мураббий Ханс-Дитер Флик ва бир қатор футболчилар ҳакамларнинг қарорларида шикоят қилиб келишмоқда.

«Сўнгги ҳафталарда ҳакамлар иштирокимиздаги ўйинларда ўта муҳим қарорларни қабул қилгани кундек равшан. Биз бундан буёғига вазият қандай бўлишини яхши англаймиз. Менинг фикримча, биз бор эътиборимизни ўз ўйинимизга қаратишимиз, беҳуда вақт сарфламасдан, учрашувлар тақдирини имкон қадар эртароқ ҳал қилишимиз лозим», — дея Испания оммавий ахборот воситалари Мартиннинг сўзларини келтирмоқда.

Эслатиб ўтамиз, «Барселона» якшанба куни ўз майдонида «Леванте»ни қабул қилади. Ушбу баҳс Ла Лиганинг 25-тури доирасида бўлиб ўтади.