«Страсбург» клубининг марказий ҳужумчиси Хоакин Паничелли Мадриднинг «Атлетико» жамоаси учун асосий трансфер мақсадига айланди. Бу ҳақда журналист Экрем Конур хабар бермоқда.

Манбанинг маълумотларига кўра, Франция клуби ўз ҳужумчисининг трансфер қийматини 50 миллион еврога баҳоламоқда. Таъкидланишича, «матрасчилар» аллақачон Паничелли трансферини амалга ошириш бўйича дастлабки ишларни олиб боришмоқда.

Жорий мавсумда 23 ёшли аргентиналик футболчи барча мусобақаларда жами 31 та учрашувда майдонга тушиб, 14 та гол урди ва 4 та голли узатмага муаллифлик қилди.

Паничеллининг «Страсбург» билан амалдаги шартномаси 2030 йилга қадар мўлжалланган. Transfermarkt экспертлари айни дамда ҳужумчининг бозор қийматини 25 миллион евро этиб белгилашган.