«Брюгге» ҳужумчиси Николо Тресольди «Милан»нинг 2026 йил учун асосий трансфер мақсадларидан бирига айланди. Бу ҳақда MilanNews24 хабар бермоқда.

Манбанинг маълумотига кўра, бу қизиқиш янгилик эмас. «Милан» вакиллари анчадан бери ёш футболчини кузатиб келишмоқда. Тресольдининг ҳозирги формаси «Милан»ни келишув борасида аниқ қадамлар ташлашга ундади.

Клуб ва футболчининг атрофидагилар ўртасидаги алоқалар тез-тез ва давомли деб таърифланмоқда. «Россонери» фойдасига ишлаётган асосий омил — Тресольдининг ўз позициясидир. Айтишларича, ҳужумчи «Сан-Сиро»га ўтишга қатъий қарор қилган.

Жорий мавсумда Германия ёшлар терма жамоасида ўйнаган 21 ёшли италиялик футболчи барча мусобақаларда 42 та ўйинда майдонга тушиб, 12 та гол урди ва 4 та голли узатмани амалга оширди. Унинг бозор қиймати Transfermarkt портали томонидан 10 миллион еврога баҳоланмоқда.