«Bryugge» hujumchisi Nikolo Tresoldi «Milan»ning 2026 yil uchun asosiy transfer maqsadlaridan biriga aylandi. Bu haqda MilanNews24 xabar bermoqda.

Manbaning ma’lumotiga ko‘ra, bu qiziqish yangilik emas. «Milan» vakillari anchadan beri yosh futbolchini kuzatib kelishmoqda. Tresoldining hozirgi formasi «Milan»ni kelishuv borasida aniq qadamlar tashlashga undadi.

Klub va futbolchining atrofidagilar o‘rtasidagi aloqalar tez-tez va davomli deb ta’riflanmoqda. «Rossoneri» foydasiga ishlayotgan asosiy omil — Tresoldining o‘z pozisiyasidir. Aytishlaricha, hujumchi «San-Siro»ga o‘tishga qat’iy qaror qilgan.

Joriy mavsumda Germaniya yoshlar terma jamoasida o‘ynagan 21 yoshli italiyalik futbolchi barcha musobaqalarda 42 ta o‘yinda maydonga tushib, 12 ta gol urdi va 4 ta golli uzatmani amalga oshirdi. Uning bozor qiymati Transfermarkt portali tomonidan 10 million yevroga baholanmoqda.