Мавсум якунида «Манчестер Юнайтед»ни тарк этадиган бразилиялик ярим ҳимоячи Каземирода фаолиятини давом эттириш учун иккита вариант бор. Бу ҳақда журналист Экрем Конур ўзининг ижтимоий тармоқлари орқали хабар бермоқда.
Инсайдернинг маълумотларига кўра, Каземирони ўз сафига қўшиб олишни Бразилиянинг «Сан-Паулу» ва аргентиналик ҳужумчи Лионель Месси тўп сураётган Американинг «Интер Майами» клублари истамоқда.
Бразилиялик футболчи ва «қизил иблислар» ўртасидаги амалдаги меҳнат шартномаси муддати шу ёзда якунига етади.
Жорий мавсумда Каземиро 25 та учрашув ўтказиб, ўз ҳисобига бешта гол ва иккита голли узатмани ёздириб қўйди.
