Оғир жароҳат олган украиналик ҳимоячи Александр Зинченко келаси мавсумда ҳам Амстердамнинг «Аякс» клубида қолади. Бу ҳақда Soccernews.nl хабар бермоқда.
Манбага маълум бўлишича, томонлар катта эҳтимол билан ҳамкорликни узайтиришади. Зинченко ва «Аякс» ўртасидаги амалдаги шартнома муддати жорий мавсум якунида тугайди. Янги келишув имзоланган тақдирда, украиналик футболчи иш ҳақининг сезиларли даражада камайишига рози.
Аввалроқ Александрнинг шикастланган тиззаси операция қилиниши ва у мавсумнинг қолган қисмини ўтказиб юбориши маълум бўлган эди.
Зинченко «Аякс»га шу йилнинг қишида Лондоннинг «Арсенал» клубидан ўтган эди.
