Ярим ҳимоячи Харви Эллиот "Ливерпул"дан "Астон Вилла"га доимий асосда ўтиши мумкин.

Sky Sports News нашрининг таъкидлашича, футболчининг ижара шартномасида мажбурий сотиб олиш имконияти кўрсатилган, аммо у ярим ҳимоячи Премьер-лигада ўтказилган ўйинлар сони бўйича белгиланган чегаравий кўрсаткичга етган тақдирдагина ишга тушади.

Эслатиб ўтамиз, "Астон Вилла" Элиотни ўтган ёзда "Ливерпул"дан ижарага олган эди. Ўшандан бери 22 ёшли ярим ҳимоячи барча турнирлар билан ҳисоблаганда фақат тўққизта учрашувда майдонга тушди ва битта гол урди.

Transfermarkt портали маълумотларига кўра, Эллиотнинг нархи 30 миллион еврони ташкил этади.