"Ювентус" бош мураббийи Лучано Спаллетти А Серия 26-туридан ўрин олган "Комо"га қарши ўйин олдидан матбуот анжуманида иштирок этди. У жамоанинг сўнгги натижалари ва УEФА Чемпионлар лигасида "Галатасарой"га қарши кечган (2:5) баҳс ҳақида тўхталиб ўтди.
"Биз сўнгги натижаларни тушуниб турибмиз ва энди бунга қандай муносабат билдиришни ҳал қилишимиз керак: жамоанинг кучини англаб етиш вазият қандай тус олишини кўрсатади. Вазиятни тўғри ва холисона таҳлил қилишимиз, бу оғриқдан кейинги юксалиш учун трамплин сифатида фойдаланишимиз лозим.
Ўйиннинг ўнинчи дақиқасидаёқ қизил карточка олмаслигимиз керак. Бизни 11 га 11 форматдаги ўйинларда баҳолашларини истаймиз. Шундай лаҳзалар бўладики, яхшироқ фикрлаш ва ўзингни хаосга тортишларига йўл қўймаслик лозим. Қарор қабул қилиш учун совуққонликни сақлаш керак. "Галатасарой" билан ўйинда ҳиссиётларга ҳаддан ташқари берилдик ва қарор қабул қилишдаги иккиланишларимизни яшира олмадик", — дея мураббийнинг сўзларини келтиради туринликлар расмий сайти.
"Ювентус" — "Комо" учрашуви бугун, 21 февраль куни бўлиб ўтади. Баҳс Тошкент вақти билан соат 19:00 да бошланиши режалаштирилган.
