"Барселона" дарвозабони Жоан Гарсия Испания чемпионатидаги ҳакамлик иши бўйича ўз фикрларини билдириб ўтди.
"Сўнгги вақтларда бизга ёқмаган бир нечта баҳсли қарорлар қабул қилинди. Аммо биз, футболчилар, бунга вақт сарфламаслигимиз керак. Ўзимиз назорат қила олмайдиган нарсаларга қувват сарфлаш — бу бефойда", — дея Гарсиянинг сўзларини келтиради "Marca" нашри.
Дарвозабоннинг фикрича, ҳакамликдаги асосий муаммо — баҳсли вазиятларнинг субъектив талқин қилинишидадир.
Айни дамда "Барселона" турнир жадвалида иккинчи ўринда бормоқда ва пешқадам "Реал"дан икки очкога ортда қолмоқда. Эртага, 22 февраль куни каталонияликлар ўз майдонида "Леванте"ни қабул қилади.
