"Лион" ҳужумчиси Эндрикнинг "Реал"ни тарк этиб, Францияга йўл олиши билан боғлиқ янги тафсилотлар маълум бўлди. "The Athletic" нашрининг ёзишича, мадридликларнинг собиқ устози Хаби Алонсо ўтган ёздаёқ 19 ёшли бразилияликни 2025/2026 йилги мавсумда етарли ўйин амалиётига эга бўлиши қийинлигидан огоҳлантирган.
Бироқ ўшанда Эндрик ўз кучига ишонган ва ижарага кетишдан бош тортиб, жамоада қолишга қарор қилган. Шунга қарамай, вазият барибир қишки трансфер ойнасида унинг "Лион"га ижарага ўтиши билан якунланди.
Бу қарор футболчи учун жуда самарали бўлиб чиқди. Эндрик Францияда дарҳол голлар уришни бошлади ва бу унинг 2026 йилги Жаҳон чемпионатига бориш имкониятларини кескин ошириб юборди.
Эндрикнинг "Лион"даги статистикаси:
-
Ўйинлар: 6 та
-
Голлар: 5 та
-
Голли узатма: 1 та
