Англия Премьер-лигасининг 27-тури доирасида "Ньюкасл" сафарда "Манчестер Сити" меҳмони бўлади. Меҳмонлар бош мураббийи Эдди Хау бўлажак тўқнашув ҳақида ўз фикрларини билдирди.
"Шаҳарликлар" билан бўлган ҳар бир ўйинда биз янги нарсаларни ўрганамиз. "Манчестер Сити" кўплаб мавсумлардан бери АПЛда ўзига хос эталон бўлиб келмоқда. Бу жамоа Гвардиола қўл остида ажойиб футбол намойиш этмоқда ва эталон бўлиб қолмоқда", — дея мутахассиснинг сўзларини келтиради "Сити" матбуот хизмати.
"Манчестер Сити" ва "Ньюкасл" ўртасидаги баҳс 21 февраль, шанба куни "Этихад" стадионида бўлиб ўтади. Учрашув Тошкент вақти билан тунги соат 01:00 да бошланади.













