Дортмунднинг «Боруссия» клуби Бундеслиганинг 23-турида «Лейпциг» билан дуранг ўйнади (2:2).

Нико Ковач шогирдлари чемпионатда кетма-кет 16 та ўйиндан бери мағлубият нималигини билишмаяпти — 11 та ғалаба ва 5 та дуранг. Жамоа сўнгги бор октябрь ойида «Бавария»га имкониятни бой берган эди (1:2).

Ҳозирда «Боруссия» Бундеслига турнир жадвалида «Бавария»дан кейинги иккинчи ўринни эгаллаб турибди ва мюнхенликлардан 8 очкога ортда қолмоқда. Пешқадамлар кейинги турда ўзаро тўқнаш келишади, ушбу баҳс 28 февраль куни бўлиб ўтади.