Dortmundning «Borussiya» klubi Bundesliganing 23-turida «Leypsig» bilan durang o‘ynadi (2:2).

Niko Kovach shogirdlari chempionatda ketma-ket 16 ta o‘yindan beri mag‘lubiyat nimaligini bilishmayapti — 11 ta g‘alaba va 5 ta durang. Jamoa so‘nggi bor oktyabr oyida «Bavariya»ga imkoniyatni boy bergan edi (1:2).

Hozirda «Borussiya» Bundesliga turnir jadvalida «Bavariya»dan keyingi ikkinchi o‘rinni egallab turibdi va myunxenliklardan 8 ochkoga ortda qolmoqda. Peshqadamlar keyingi turda o‘zaro to‘qnash kelishadi, ushbu bahs 28 fevral kuni bo‘lib o‘tadi.