"Интер" вингери Федерико Димарко А Серия рекордини ўрнатди. 28 ёшли футболчи А Сериянинг кетма-кет бешта ўйинида голли узатма берди, бу натижага илгари ҳеч бир ҳимоячи эриша олмаган эди.

Шанба куни Димарко "нерадзуррилар"га "Лечче"ни 2:0 ҳисобида мағлуб этишга ёрдам берди ва битта голли узатмани амалга оширди.

У илгари "Ювентус", "Сассуоло" (уч марта), "Кремонезе" ва "Пиза" (икки марта)га қарши ўйинларда голли узатмани амалга оширганди.

Федерико Димарко бу мавсумда А Сериянинг 24 та ўйинида бешта гол ва 14 та голли узатмани амалга оширди.