Ярим ҳимоячи Дуглас Луис "Астон Вилла"га доимий равишда қўшилиши мумкин. Виллаликлар бразилиялик футболчини январь ойи охирида "Ювентус"дан 25 миллион еврога (қўшимча 3,5 миллион евро бонуслар) сотиб олиш имконияти билан ижарага олди.
Журналист Николо Скиранинг сўзларига кўра, Бирмингем клуби ярим ҳимоячидан мамнун ва ёзда сотиб олиш имкониятидан фойдаланишни режалаштирмоқда.
"Кекса синёра" раҳбарияти Италияда ўзини кўрсата олмаган футболчини сотишга умид қилмоқда. Эслатиб ўтамиз, "Ювентус" Дуглас Луисни 2024 йил ёзида "Астон Вилла"дан 51 миллион еврога сотиб олган эди.













