"ПСЖ" бош мураббийи Луис Энрике жамоа ярим ҳимоячиси Уоррен Заир-Эмери ҳақида ўз фикрлари билан ўртоқлашди.
"Заир-Эмери жуда катта ўсишга эришди ва бу мен туфайли эмас, балки унинг ўз меҳнати натижасидир. У исталган позицияда ўйнай оладиган ақл бовар қилмайдиган футболчи. Мураббий сифатида таркибда бундай ўйинчига эга бўлиш мен учун жуда соз", — деди Энрике "L1+" нашрига.
Жорий мавсумда "ПСЖ"нинг 19 ёшли тарбияланувчиси барча мусобақаларни ҳисобга олганда 36 та учрашувда майдонга тушди, битта гол урди ва ўз ҳисобига тўртта голли узатмани ёздириб қўйди.













