"Айнтрахт" ҳужумкор ярим ҳимоячиси Марио Гётце Германия чемпионатини Саудия Арабистонига алмаштиришга тайёр. Бу ҳақда футболчи журналистларга берган интервьюсида айтиб ўтди.
"Агар менга таклиф билан чиқишса, "Ан-Наср"га ўтган бўлардим. У ерда Криштиану Роналду тўп суради. Лекин гап фақат битта клубда эмас, балки ушбу чемпионат қандай ривожланаётганида", — дея немис футболчисининг сўзларини келтиради "Tribal Football" нашри.
Марионинг Франкфурт клуби билан амалдаги меҳнат шартномаси 2026 йил июнь ойи охиригача амал қилади.
Жорий мавсумда ярим ҳимоячи "Айнтрахт" сафида 25 та баҳсда иштирок этиб, иккита голли узатмани амалга оширди.
