"Ayntraxt" hujumkor yarim himoyachisi Mario Gyotse Germaniya chempionatini Saudiya Arabistoniga almashtirishga tayyor. Bu haqda futbolchi jurnalistlarga bergan intervyusida aytib o‘tdi.

"Agar menga taklif bilan chiqishsa, "An-Nasr"ga o‘tgan bo‘lardim. U yerda Krishtianu Ronaldu to‘p suradi. Lekin gap faqat bitta klubda emas, balki ushbu chempionat qanday rivojlanayotganida", — deya nemis futbolchisining so‘zlarini keltiradi "Tribal Football" nashri.

Marioning Frankfurt klubi bilan amaldagi mehnat shartnomasi 2026 yil iyun oyi oxirigacha amal qiladi.

Joriy mavsumda yarim himoyachi "Ayntraxt" safida 25 ta bahsda ishtirok etib, ikkita golli uzatmani amalga oshirdi.