Каземиро ва Лионель Месси атиги бир неча ойдан сўнг жамоадошга айланишлари мумкин. Бразилиялик ярим ҳимоячи ёзда эркин агент сифатида "Интер Майами"га кўчиб ўтиши кутилмоқда. Январь ойида мавсум якунлангач, Каземиро "Манчестер Юнайтед"ни тарк этиши эълон қилинган эди.
"AS" нашрига маълум бўлишича, Каземиро аллақачон оиласи билан Майамига борган ва "Интер Майами" раҳбарлари билан учрашган.
Шуни айтиш жоизки, ҳозирда "Манчестер Юнайтед" фақат Премьер-лигада иштирок этмоқда, шу сабабли Каземиронинг Майамига сафар қилиш учун вақти бор эди. "Қизил иблислар"нинг ўтган ва бўлажак ўйинлари орасида 13 кунлик танаффус мавжуд.
Маълумот учун, душанба куни Каземиро 34 ёшни қарши олади.
