Лиссабоннинг «Спортинг» клуби қанот ҳимоячиси Иван Фреснеда Англия чемпионати клублари орасида катта қизиқиш уйғотмоқда, деб хабар беради «Teamtalk» журналистлари.
Манбанинг маълумотларига кўра, 21 ёшли ҳимоячини ўз сафига қўшиб олишни Лондоннинг «Арсенал», «Манчестер Сити» ва «Ньюкасл» клублари истамоқда. «Тўпчилар» Фреснедани Бен Уайтга ўринбосар сифатида кўриб чиқишмоқда.
Латералнинг бозор қиймати 12 миллион еврога баҳоланмоқда. Томонлар ўртасидаги амалдаги меҳнат шартномаси 2028 йилнинг ёзига қадар мўлжалланган.
Жорий мавсумда Фреснеда 31 та учрашувда майдонга тушиб, ўз ҳисобига битта гол ва учта голли узатмани ёздириб қўйди.
