Lissabonning «Sporting» klubi qanot himoyachisi Ivan Fresneda Angliya chempionati klublari orasida katta qiziqish uyg‘otmoqda, deb xabar beradi «Teamtalk» jurnalistlari.
Manbaning ma’lumotlariga ko‘ra, 21 yoshli himoyachini o‘z safiga qo‘shib olishni Londonning «Arsenal», «Manchester Siti» va «Nyukasl» klublari istamoqda. «To‘pchilar» Fresnedani Ben Uaytga o‘rinbosar sifatida ko‘rib chiqishmoqda.
Lateralning bozor qiymati 12 million yevroga baholanmoqda. Tomonlar o‘rtasidagi amaldagi mehnat shartnomasi 2028 yilning yoziga qadar mo‘ljallangan.
Joriy mavsumda Fresneda 31 ta uchrashuvda maydonga tushib, o‘z hisobiga bitta gol va uchta golli uzatmani yozdirib qo‘ydi.
