Эрон Про лигасининг 22-туридан ўрин олган "Мес Рафсанжан" ҳамда "Истиқлол" жамоалари ўртасидаги учрашув якунланди.

Мазкур баҳсда меҳмонлар шарафини ҳимоя қилаётган легионеримиз Рустам Ашурматов бошланғич таркибда майдонга тушди ва учрашув якунига қадар тўп тепди. Яна бир ҳамюртимиз Жалолиддин Машарипов эса ҳочсимон боғламидаги жароҳат туфайли қайдномага киритилмади.

Беллашув тақдирни ҳал қилган ягона гол 15-дақиқада Мунир Эл Ҳаддади томонидан киритилди ва "Истиқлол"га муҳим ғалабани тақдим этди.

Ушбу муваффақиятдан сўнг 21 та ўйин ўтказган "Истиқлол" ўз очколарини 38 тага етказиб, турнир жадвалида пешқадамликни давом эттирмоқда. Иккинчи ўриндаги "Трактор" ҳисобида эса 36 очко мавжуд.

Эрон Гулф лигаси. 22-тур
22.02.2026, 20:30
Мес Рафсанжан - Истиқлол - 0:1
Гол: 15' 0:1 - Мунир Эл Ҳаддади