Англия чемпионатининг 27-тури доирасида бўлиб ўтган учрашувда «Арсенал» сафарда «Тоттенхэм» устидан 4:1 ҳисобида йирик ғалабага эришди.
Меҳмонлар сафида Эберечи Эзе ва Виктор Дьёкереш дубль қайд этишди. Мезбонларнинг ягона жавоб тўпига Рандаль Коло-Муани муаллифлик қилди.
«Тўпчилар» Шимолий Лондон дербисида кетма-кет бешинчи ғалабасини тантана қилишди. «Шпорлар» охирги марта 2022 йилнинг май ойида ушбу қарама-қаршиликда ғалаба қозонишган эди.
«Арсенал» очколари сонини 61 тага етказиб, АПЛ турнир жадвалида пешқадамлик қилмоқда. «Тоттенхэм» эса чемпионатда кетма-кет учинчи мағлубиятини қабул қилиб олди ва 29 очко билан 16-поғонада бормоқда.
АПЛ. 27-тур
22.02.2026 | 21:30
«Тоттенхэм Хотспур Стэдиум», Лондон
«ТОТТЕНХЭМ» — «АРСЕНАЛ» — 1:4
Голлар: Эзе 32’ (0:1), Коло Муани 34’ (1:1), Дьекереш 47’ (1:2), Эзе 61’ (1:3), Дьекереш 90’ (1:4).
«Тоттенхэм»: Викарио, ван де Вен, Дрэгушин, Пальинья (Тель, 82), Спенс, Сарр, Биссума, Галлахер (Соланке, 62), Грэй, Симонс, Коло Муани (Ришарлисон, 68).
«Арсенал»: Райя, Инкапье, Габриэл Магальяйнс, Салиба, Тимбер (Москера, 57), Райс, Субименди, Эзе (Эдегор, 77), Троссар (Мартинелли, 76), Дьекереш, Сака (Мадуэке, 90).
Огоҳлантиришлар: Грэй (35) — Тимбер (28).
