Марказий ҳимоячи Харри Магуайр "Манчестер Юнайтед"да яна бир мавсум қолиши мумкин. Бу ҳақда инсайдер Саймон Стоун ўзининг ижтимоий тармоқлари орқали хабар берди.
32 ёшли англиялик футболчи "қизил иблислар" сафида 2019 йилнинг августидан буён тўп тепиб келмоқда. Томонлар ўртасидаги амалдаги меҳнат шартномасининг муддати 2026 йил июнь ойи охирида тугайди. Ҳимоячининг бозор нархи ўн миллион еврога баҳоланмоқда.
Англия премьер-лигасининг жорий мавсумида Магуайр 13 та учрашув ўтказиб, ўз ҳисобига гол ҳамда голли узатма ёздириб қўйишга эришди.
Бугунги ҳолатга кўра, "қизил иблислар" 45 очко билан АПЛ турнир жадвалида тўртинчи ўринни эгаллаб турибди.
