Манчестернинг мовий қисмида катта ўзгаришлар шабадаси эсмоқда. Topskills Sports UK нашри тарқатган хабарга кўра, «Манчестер Сити» раҳбарияти Хосеп Гвардиоланинг ўрнини ким эгаллаши борасида бир тўхтамга келган.
Гвардиоланинг тавсияси ва 5 йиллик режа
Маълум бўлишича, жорий мавсум якунлангач, Пеп Гвардиола «шаҳарликлар» билан хайрлашади. Унинг ўрнига эса «Челси»нинг собиқ устози Энцо Мареска тайинланиши кутилмоқда. Энг қизиғи, италиялик мутахассис номзодини шахсан Гвардиоланинг ўзи клуб хўжайинларига тавсия қилган. Пеп Марескани ўз фалсафасининг энг муносиб давомчиси ва идеал ворис деб ҳисоблайди.
Шартнома тафсилотлари:
-
Мураббий: Энцо Мареска
-
Шартнома муддати: 5 йил
-
Тайинлов вақти: 2025/26 йилги мавсум якунлангач
«Манчестер Сити» раҳбарияти аллақачон италиялик мутахассис учун узоқ муддатли шартномани тахт қилиб қўйган. Гвардиола кетиши билан Мареска иш бошлаши кутилмоқда.
