Англия Премьер-лигаси жамоаларининг тўрт нафар футболчиси 27-тур ўйинларидан сўнг интернетда ирқчилик руҳидаги ҳақоратларга учради, деб ёзади AP.
"Челси"нинг франциялик ҳимоячиси Уэсли Фофана ва "Бёрнли"нинг тунислик яримҳимоячиси Ханнибал Межбри 21 февраль куни "Стемфорд Бриж"да бўлиб ўтган ўйиндан сўнг (1:1) ижтимоий тармоқдаги шахсий саҳифаларига ирқчилик руҳидаги хабарлар юборилган скриншотни эълон қилди.
"Вулверхэмптон"нинг нигериялик ҳужумчиси Толу Арокодаре "Кристал Пэлас"га қарши ўйинда (0:1) пенальтини аниқ амалга ошира олмаганидан кейин ижтимоий тармоқларда ирқий ҳақоратларни намойиш этди. "Сандерленд"нинг англиялик ҳужумчиси Ромейн Мандл эса "Фулхэм"га қарши уй учрашувида (1:3) захирадан майдонга тушганидан сўнг, "интернетда жирканч ирқчилик ҳақоратларига учради", деб хабар берди унинг жамоаси.
