«Ювентус» Душан Влахович билан амалдаги шартномани узайтиришга интилмоқда. Бу ҳақда инсайдер Николо Скира хабар бермоқда.
Футболчининг амалдаги келишуви шу ёзда якунига етади. Туринликлар Влахович билан ҳамкорликни давом эттиришни исташмоқда. Қайд этилишича, ҳужумчининг агенти билан навбатдаги учрашув март ойига режалаштирилган.
Душан Влахович «Ювентус» сафида жами 162 та ўйинда майдонга тушган. Ушбу баҳсларда ҳужумчи 64 та гол уришга ва 16 та голли узатмани амалга оширишга муваффақ бўлган.













